ਹਿਊਮਨਰਾਈਟਸ ਕਮਿਸ਼ਨਰ ਟਾਕਾਨੀਨੀ ਗੁਰੂ ਘਰ ਵਿਖੇ ਹੋਏ ਨਤਮਸਤਕ
**ਵਰਕ ਸੇਫਟੀ, ਬੋਲੀ ਸਮੇਤ ਕਈ ਅਹਿਮ ਮੁੱਦਿਆਂ ਤੇ ਹੋਈ ਗੱਲਬਾਤ**
…
ਆਕਲੈਂਡ (NZ Punjabi News) – ਅੱਜ ਗੁਰਦੁਆਰਾ ਸ੍ਰੀ ਕਲਗੀਧਰ ਸਾਹਿਬ ਟਾਕਾਨੀਨੀ ਵਿਖੇ ਨਿਊਜ਼ੀਲੈਂਡ ਦੇ ਹਿਊਮਨ ਰਾਈਟ ਕਮਿਸ਼ਨਰ ਡਾਕਟਰ ਮਲੀਸਾ ਡਰਬੀ ਅਤੇ ਉਨਾਂ ਦੀ ਟੀਮ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਜਿੱਥੇ ਉਹਨਾਂ ਭਾਈਚਾਰੇ ਦੇ ਅਹਿਮ ਮੁੱਦਿਆਂ ਤੇ ਸਰਦਾਰ ਦਲਜੀਤ ਸਿੰਘ ਪ੍ਰਧਾਨ ਸੈਂਟਰ ਸਿੱਖ ਐਸੋਸ਼ੀਏਸ਼ਨ ਅਤੇ ਬੁਲਾਰਾ ਸੁਪਰੀਮ ਸਿੱਖ ਸੁਸਾਇਟੀ ਸਮੇਤ ਮੌਕੇ ਤੇ ਮੌਜੂਦ ਸਥਾਨਕ ਲੋਕਾਂ ਨਾਲ ਗੱਲਬਾਤ ਕੀਤੀ ਇਸ ਮੌਕੇ ਸਰਦਾਰ ਦਲਜੀਤ ਸਿੰਘ ਨੇ ਹਿਊਮਨ ਰਾਈਟਸ ਕਮਿਸ਼ਨਰ ਡਾਕਟਰ ਡਰਬੀ ਨਾ ਗੱਲਬਾਤ ਕਰਦੇ ਆਂ ਜਿੱਥੇ ਬੀਤੇ ਸਮੇਂ ਵਿੱਚ ਭਾਈਚਾਰੇ ਵੱਲੋਂ ਆਏ ਮੁੱਦਿਆਂ ਵਿੱਚ ਕੰਮ ਤੇ ਦਸਤਾਰ ਦੀ ਜਗਾਹ ਲੋਹ ਟੋਪ ਪਾਉਣ ਲਈ ਮਜਬੂਰ ਕਰਨਾ, ਹਸਪਤਾਲ, ਵੋਟਿੰਗ ਅਤੇ ਸਰਕਾਰੀ ਫਾਰਮਾਂ ਵਿੱਚ ਪੰਜਾਬੀ ਸ਼ਾਮਿਲ ਕਰਨਾ ਅਤੇ ਕਕਾਰਾਂ ਦੇ ਮੁੱਦੇ ਤੇ ਖੁੱਲ ਕੇ ਬੋਲਦੇ ਆਂ ਆਪਣਾ ਪੱਖ ਰੱਖਿਆ ਉੱਥੇ ਹੀ ਉਹਨਾਂ ਕੁਝ ਸਮਾਂ ਪਹਿਲਾਂ ਨਿਊਜ਼ੀਲੈਂਡ ਦੇ ਔਕਲੈਂਡ ਸ਼ਹਿਰ ਵਿੱਚ ਇੱਕ ਅਖੌਤੀ ਸਿਆਸੀ ਆਗੂ ਵੱਲੋਂ ਵੱਖੋ ਵੱਖ ਧਰਮਾਂ ਦੇ ਧਾਰਮਿਕ ਝੰਡਿਆਂ ਦੀ ਕੀਤੀ ਗਈ ਬੇਅਦਬੀ ਦਾ ਮੁੱਦਾ ਵੀ ਚੁੱਕਿਆ ਉਹਨਾਂ ਕਿਹਾ ਕਿ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਨਿਊਜ਼ੀਲੈਂਡ ਦੇ ਵਿੱਚ ਭਾਈਚਾਰਕ ਏਕਤਾ ਨੂੰ ਜਿੱਥੇ ਠੇਸ ਪਹੁੰਚਾ ਰਹੀਆਂ ਹਨ ਉੱਥੇ ਹੀ ਇਹ ਹਿਊਮਨ ਰਾਈਟਸ ਦਾ ਵੀ ਘਾਣ ਹੈ। ਸਥਾਨਕ ਭਾਈਚਾਰੇ ਦੀਆਂ ਅਹਿਮ ਗੱਲਾਂ ਬਾਤਾਂ ਸੁਣਨ ਤੋਂ ਬਾਅਦ ਕਮਿਸ਼ਨਰ ਡਾਕਟਰ ਡਰਬੀ ਅਤੇ ਉਹਨਾਂ ਦੇ ਸਟਾਫ ਨੇ ਵਿਸ਼ਵਾਸ ਦਵਾਇਆ ਕਿ ਉਹ ਇਹਨਾਂ ਸਾਰੇ ਮਸਲਿਆਂ ਸਬੰਧੀ ਜਲਦ ਅਹਿਮ ਫੈਸਲੇ ਲੈਣਗੇ ਇਸ ਮੌਕੇ ਸਰਦਾਰ ਹਰਜਿੰਦਰ ਸਿੰਘ, ਮਨਜਿੰਦਰ ਸਿੰਘ ਬਾਸੀ, ਪਰਮਜੀਤ ਸਿੰਘ ਪਾਪਾਟੋਏਟੋਏ, ਡੈਨੀ ਪਾਪਾਕੋਰਾ ਸਮੇਤ ਹੋਰ ਕਈ ਸਥਾਨਕ ਆਗੂ ਹਾਜ਼ਰ ਸਨ।
